உலகம்

🧬 150 ஆண்டுகள் வாழ வைக்கும் மருந்து? சீன ஆய்வில் நம்பிக்கை தரும் கண்டுபிடிப்பு

JOJI November 11, 2025 1 minute read

மனிதர்களின் ஆயுள் காலத்தை 150 ஆண்டுகள் வரை நீட்டிக்கக்கூடும் என்ற தகவல், உலகம் முழுவதும் பெரிய கவனத்தைப் பெற்றுள்ளது. சீனாவைச் சேர்ந்த Lonvi Biosciences என்ற ஆராய்ச்சி நிறுவனம், திராட்சை விதையில் இருந்து பெறப்படும் இயற்கை மூலக்கூறுகளைப் பயன்படுத்தி, செல்களின் வயோதிகத்தை (cell aging) குறைக்கும் மாத்திரை ஒன்றை உருவாக்கி வருவதாக தெரிவித்துள்ளது.

இந்த மாத்திரை, உடலில் தேங்கும் வயதான பாதிப்பு செல்களை குறைத்து, ஆரோக்கியமான செல்கள் புதிதாக உருவாக உதவும் என ஆய்வாளர்கள் நம்புகின்றனர். தற்போது இந்த மருந்து எலிகளில் சோதிக்கப்பட்ட நிலையில், அவற்றின் வாழ்நாள் அதிகரித்ததோடு, உடல்நலத்திலும் முன்னேற்றம் காணப்பட்டதாக கூறப்படுகிறது.

மனிதர்களுக்கான பரிசோதனை இன்னும் ஆரம்ப கட்டத்தில் இருந்தாலும், முதுமை எதிர்ப்பு (Anti-Aging) மருத்துவ துறையில் இது ஒரு முக்கிய நகர்வாக பார்க்கப்படுகிறது. இருப்பினும், 150 ஆண்டுகள் வாழலாம் என்ற தகவல் இப்போதைக்கு உறுதிப்படுத்தப்பட்ட அறிவியல் முடிவு அல்ல; இது ஆரம்பகட்ட ஆய்வில் கிடைத்த நம்பிக்கை மட்டுமே என சுகாதார நிபுணர்கள் தெரிவிக்கின்றனர்.

ஆராய்ச்சி வெற்றி பெற்றால், எதிர்காலத்தில் மனிதர்களின் வாழ்நாள் மட்டுமல்ல, ஆரோக்கியமான முதுமையையும் உறுதி செய்யும் மருத்துவ புரட்சி உருவாகும் என எதிர்பார்க்கப்படுகிறது.