2026 சட்டசபைத் தேர்தலை முன்னிட்டு தமிழக அரசியல் வேறு விதமாக மாறி வருகிறது. இதன் மையப்புள்ளியாக தற்போது அதிமுக தலைவர் எடப்பாடி கே. பழனிசாமி மற்றும் தமிழக வெற்றிக்கழக (TVK) தலைவர் நடிகர் விஜய் இடையிலான ரகசிய பேச்சுவார்த்தை கருதப்படுகிறது.
அரசியல் வட்டாரங்களில் இருந்து வரும் தகவலின்படி, விஜய்க்கு 40க்கும் மேற்பட்ட இடங்கள் மற்றும் துணை முதல்வர் பதவி வழங்க அதிமுக மற்றும் பாஜக இணைந்து திட்டமிட்டுள்ளதாக கூறப்படுகிறது. டெல்லி பாஜக தலைமை சார்பில் விஜயுடன் ஆலோசனைகள் நடந்து வருவதாகவும் தகவல் உறுதியாகியுள்ளது. இதன் மூலம் திமுகவுக்கு எதிராக வலுவான கூட்டணி உருவாக்கும் முயற்சி தீவிரமாகிறது.
எடப்பாடி பழனிசாமி, சமீபத்தில் விஜயுடன் தொலைபேசியில் அரைமணி நேரம் பேசியதாக அதிமுக வட்டாரம் உறுதி செய்துள்ளது. அந்த உரையாடலில் கரூர் சம்பவம், மக்கள் சந்திப்பு, கூட்டணி வாய்ப்பு போன்ற பல முக்கிய அம்சங்கள் பேசப்பட்டதாகவும் கூறப்படுகிறது. மேலும், “2026 பொங்கலுக்குப் பிறகு கூட்டணி குறித்து முடிவெடுப்பேன்” என விஜய் தெரிவித்ததாக வட்டாரங்கள் உறுதி செய்துள்ளன.
இந்நிலையில், பாஜக கூட்டணியில் இருந்த ஓ. பன்னீர்செல்வம் மற்றும் டிடிவி தினகரன் வெளியேறியதால் கூட்டணி பலவீனமடைந்தது. எனவே, TVK-வை இணைத்துக் கொண்டு கூட்டணியை வலுப்படுத்துவது எடப்பாடி பழனிசாமியின் புதிய அரசியல் யுக்தியாக பார்க்கப்படுகிறது. ஆனால் விஜயுடன் இருப்பவர்கள் அதிமுக கூட்டணியில் இணைந்தால் முதலமச்சர் கனவு நொறுங்கி போகும் என்றும், விஜயகாந்த் கதிதான் நமக்கும் ஏற்படும் என்றும் விஜயை உசுப்பேத்தி வருகிறார்கள்.
About the Author
