தொழில்நுட்ப உலகின் பிதாமகனாகக் கொண்டாடப்படும் ஜென்சன் ஹுவாங், ஆலிஸ் ஹுவாங் என்ற ஒரு பெண் விரித்த வலையில் எப்படி வீழ்ந்தார் என்பது ஹாலிவுட் ஸ்பை த்ரில்லர்களை மிஞ்சும் ஒரு நிஜக் கதை.
யார் இந்த ஆலிஸ் ஹுவாங்?
ஆலிஸ் ஹுவாங் வெறும் கவர்ச்சியான அழகி மட்டும் அல்ல; அவர் மூளைச்சலவை செய்யப்பட்ட, மிகச்சிறப்பாகப் பயிற்றுவிக்கப்பட்ட ஒரு ‘ஸ்லீப்பர் செல்’ என்றுதான் அமெரிக்க உளவுத்துறை கருதுகிறது. தன்னை ஒரு துடிப்பான வென்ச்சர் கேப்பிட்டலிஸ்ட் (Venture Capitalist) மற்றும் செமிகண்டக்டர் துறையின் முதலீட்டாளர் என்று சிலிக்கான் வேலியில் அடையாளப்படுத்திக் கொண்டவர் இவர். மிகச் சரளமாக ஆங்கிலம் பேசுவது மட்டுமின்றி, AI தொழில்நுட்பத்தின் நுணுக்கங்கள், சிப் வடிவமைப்பு, மற்றும் சர்வதேச சப்ளை செயின் (Supply Chain) குறித்த ஆழ்ந்த அறிவும் கொண்டவர்.
சீன உளவுத்துறையான MSS (Ministry of State Security), ஜென்சன் ஹுவாங்கின் தனிப்பட்ட விருப்பங்கள், அவரது பணிச்சுமை, மற்றும் பலவீனங்களை பல மாதங்கள் உளவியல் ரீதியாக ஆராய்ந்து, அவருக்குப் பிடிக்கும் வகையிலான ஒரு ‘பெர்ஃபெக்ட்’ கதாபாத்திரமாக ஆலிஸை திட்டமிட்டு உருவாக்கியுள்ளது.
ஜென்சன் ஹுவாங் போன்ற சதா சர்வகாலமும் தொழில்நுட்பத்திலேயே மூழ்கிக்கிடக்கும் ஒரு பில்லியனரை வெறும் அழகை மட்டும் வைத்து வீழ்த்திவிட முடியாது என்பது சீனாவுக்குத் தெரியும். எனவே, ஆலிஸ் பயன்படுத்தியது ‘இன்டலெக்சுவல் செடக்ஷன்’ (Intellectual Seduction). சிங்கப்பூர் அல்லது தைவானில் நடந்த ஒரு மிக உயர்மட்ட தொழில்நுட்ப மாநாட்டில்தான் இவர்கள் இருவரும் முதல்முறையாக சந்தித்ததாகக் கூறப்படுகிறது. அங்கு ஆலிஸ், என்விடியாவின் எதிர்காலச் சவால்கள் குறித்தும், AI சிப் தயாரிப்பில் உள்ள சிக்கல்கள் குறித்தும் ஜென்சனுடன் மிகத் துல்லியமாக விவாதித்துள்ளார்.
ஜென்சனுக்கு, தன் தொழில்நுட்ப அறிவுக்கு ஈடுகொடுக்கும் ஒரு பெண்ணைச் சந்தித்தது பெரும் ஆச்சரியத்தை அளித்தது. அந்த தொழில்முறை நட்பு, மெதுவாக தனிப்பட்ட சந்திப்புகளாக மாறியது. ரகசியமான ரிசார்ட்டுகள், பிரைவேட் ஜெட் பயணங்கள், யாருக்கும் தெரியாத என்க்ரிப்ட்டட் சாட்கள் என இருவருக்கும் இடையிலான நெருக்கம் அதிகரித்தது. ஜென்சன் ஹுவாங் தன் மனைவிக்கும், பல ஆண்டுகளாகத் தான் கட்டிக்காத்த நற்பெயருக்கும் துரோகம் செய்துவிட்டு, ஆலிஸுடன் ஒரு தீவிரமான கள்ளக்காதலில் விழுந்தார். தன்னை அறியாமலேயே, தன் மனதையும், அநேகமாக சில தொழில் ரகசியங்களையும் அவர் ஆலிஸிடம் அந்த அந்தரங்கத் தருணங்களில் பகிர்ந்திருக்கலாம் என்பதே இப்போதைய அச்சம்.
இந்த விவகாரம் வெளியே வந்தது என்விடியா நிறுவனத்தாலோ அல்லது ஜென்சன் ஹுவாங்காலோ அல்ல; அமெரிக்க உளவுத்துறையான FBI மற்றும் NSA-வின் தீவிர கண்காணிப்பால்தான். அமெரிக்காவின் தேசிய பாதுகாப்பில் என்விடியா சிப்புகளுக்கு மிக முக்கிய பங்கு இருப்பதால், அந்த நிறுவனத்தின் உயர்மட்ட அதிகாரிகள் எப்போதும் அமெரிக்க உளவுத்துறையின் மறைமுகக் கண்காணிப்பில் இருப்பார்கள்.
ஆலிஸ் ஹுவாங்கின் சர்வதேசப் பயண விவரங்களை ஆராய்ந்தபோது, அவரது நடமாட்டங்கள் ஐரோப்பாவிலும் ஆசியாவிலும் உள்ள சில முக்கிய சீன உளவுத்துறை (MSS) அதிகாரிகளின் நடமாட்டத்தோடு ஒத்துப்போனது FBI-க்கு முதல் சந்தேகத்தை ஏற்படுத்தியது. மேலும், ஜென்சனுடன் தனிமையில் இருந்த நேரங்களில், ஆலிஸின் டிஜிட்டல் சாதனங்கள் என்விடியாவின் பாதுகாக்கப்பட்ட சர்வர்களை (Encrypted Servers) அணுக்க முயன்றதற்கான சிக்னல்களை அமெரிக்க சைபர் பாதுகாப்பு அமைப்புகள் ட்ராக் செய்தன. இது ஒரு சாதாரண காதல் விவகாரம் அல்ல, இது அமெரிக்காவின் AI எதிர்காலத்தை திருடும் மிகப்பிரம்மாண்டமான உளவு ஆபரேஷன் என்பதை உணர்ந்த FBI, உடனடியாக என்விடியா போர்டு உறுப்பினர்களுக்கும், ஜென்சனுக்கும் இந்த அதிர்ச்சித் தகவலை ஆதாரங்களுடன் அளித்தது.
இந்தச் சர்ச்சையில் இதுவரை அதிகாரப்பூர்வமாக வெளிவராத பல இருண்ட பக்கங்கள் உள்ளன. அமெரிக்கா விதித்த கடுமையான தடைகளால், சீனாவுக்கு இப்போது என்விடியாவின் அதிநவீன AI சிப்புகள் நேரடியாகக் கிடைப்பதில்லை. இதனால் சீனாவின் அதிநவீன ராணுவ ஆயுதங்கள் மற்றும் AI கட்டமைப்பு வளர்ச்சி கடுமையாகப் பாதிக்கப்பட்டுள்ளது. சிப்புகளை விலைக்கு வாங்க முடியாத சீனா, அந்த சிப்புகளின் ‘ப்ளூபிரிண்ட்’ எனப்படும் வடிவமைப்பையே திருட முடிவு செய்தது. என்விடியாவின் அடுத்த தலைமுறை சிப் ஆர்கிடெக்சர் குறித்த ரகசியங்கள்தான் ஆலிஸின் முக்கிய டார்கெட் என்று கூறப்படுகிறது.
ஜென்சன் ஹுவாங், “நான் தனிப்பட்ட முறையில் தவறு செய்துவிட்டேன், ஆனால் எந்தத் தொழில் ரகசியத்தையும் கொடுக்கவில்லை” என்று தொடர்ந்து மறுத்து வருகிறார்.
ஆனாலும், ஒரு மிகப்பெரிய சாம்ராஜ்யத்தின் CEO, எதிரி நாட்டின் உளவாளி என்று சந்தேகிக்கப்படும் ஒரு பெண்ணுடன் இத்தனை நாட்கள் ரகசிய உறவில் இருந்தது அமெரிக்க முதலீட்டாளர்கள் மத்தியிலும் பங்குச்சந்தைகளிலும் பெரும் நடுக்கத்தை ஏற்படுத்தியுள்ளது.
இந்த விவகாரத்தில் அமெரிக்க அதிபர் டொனால்ட் ட்ரம்ப், ஜென்சன் ஹுவாங்குக்கு ஆதரவாக நிற்பதன் பின்னணியிலும் ஒரு மிகப்பெரிய அரசியல் மற்றும் பொருளாதாரக் கணக்கு உள்ளது. என்விடியா சரிந்தால், ஒட்டுமொத்த அமெரிக்கப் பங்குச்சந்தையும் சீட்டுகட்டு போலச் சரியும். அமெரிக்காவின் பொருளாதாரத் தூணாக இருக்கும் ஒரு மாபெரும் நிறுவனத்தை வீழ்ச்சியிலிருந்து காப்பாற்ற வேண்டிய கட்டாயம் அரசுக்கு இருக்கிறது. அதனால்தான், இதனை ஒரு தேசத்துரோகப் புகாராக மாற்றாமல், ஒரு தனிப்பட்ட மனிதனின் ஒழுக்க மீறலாக மட்டும் சுருக்கி, ஜென்சனைக் காப்பாற்ற அமெரிக்க உயர்மட்ட நிர்வாகம் பெருமுயற்சி எடுப்பதாக சர்வதேச அரசியல் பார்வையாளர்கள் கருதுகிறார்கள்.
எது எப்படியோ, செயற்கை நுண்ணறிவு உலகத்தையே ஆளத் துடிக்கும் ஆகப்பெரிய மூளையும், ஒரு பெண்ணின் அறிவார்ந்த வலையில் சிக்கித் தவிப்பது, மனித பலவீனங்களை தொழில்நுட்பத்தால் ஒருபோதும் வெல்ல முடியாது என்பதையே காட்டுகிறது. அதிகாரமும், காமமும், தேசப் பாதுகாப்பும் பின்னிப்பிணைந்த ஒரு நிஜ உலக ஸ்பை த்ரில்லராகவே இந்த விவகாரம் இப்போது சிலிக்கான் வேலியை உலுக்கிக் கொண்டிருக்கிறது.
About the Author
